Lansman ofisyèl « akademizik.net »

Akademizik, ki se yon inisyativ tou nèf plizyè etidyan ak pwofesyonèl nan domèn mizik, ap pwofite de dat 21 jen 2020 an, ki se dat konvansyonèl Fèt mizik, pou lanse ofisyèlman yon platfòm dijital ki pral mete disponib nan lang kreyòl ayisyen an, divès enfòmasyon ak konesans sou mizik.

Lide inisyativ sa tanmen depi nan kòmansman kriz COVID-19 la nan peyi Dayiti, devni yon reyalite nan kominote kreyolofòn nan, jounen jodi 21 jen 2020, ki se yon dat espesyal plizyè peyi nan monn lan selebre mizik.

Jou sa yo, gen anpil platfòm dijital k ap pibliye plizyè revi ak atik ki gen karaktè akademik ak syantifik nan divès domèn. Pakont, genyen yon mank pou jwenn yon platfòm ayisyen ki bay kalite piblikasyon sa yo an kreyòl sou mizik.

Vrèman vre, nou kapab konstate lang kreyòl ayisyen an trè neglije nan pwodiksyon ak difizyon divès kalite konesans mizik. Kidonk, nouvo platfòm sa a ki pote non : « Akademizik », vle soulaje pwoblèm sa a pandan li bay tèt li misyon pou l : « Valorize lang kreyòl ayisyen an nan chan mizikal la. »

Konsa, pou akonpli gwo misyon sa a, Akademizik ap mete disponib nan lang kreyòl ayisyen an, divès enfòmasyon ak bon jan kalite konesans sou mizik nan pwochen piblikasyon li yo sou sit entènèt li : http://www.akademizik.net, ki lanse ofisyèlman jodi a.

Platfòm Akademizik genyen dèyè li yon ekip etidyan finisan nan Fakilte Boza Inivèsite Kretyènn ki nan Nò peyi Dayiti (UCNH), ansanm ak kèk lòt etidyan ki sòti nan Kanpis Inivèsite « Henri Christophe » Limonad (CHCL), epi ak kèk pwofesè mizik. Platfòm sa ap ankouraje tou, pwodiksyon ak difizyon anpil travay syantifik an kreyòl nan domèn mizik.

Nan kad lansman ofisyèl nouvo platfòm sa a, inisyatè pwojè sa a swete jwenn sipò lòt enstitisyon ak òganizasyon pou nouvo platfòm sa ka grandi epi devni yon referans nan misyon ke li chwazi a.

Nou swete siksè ak nouvo platfòm sa a !
Bòn Fèt mizik ak tout mizisyen ayisyen !

Rémy Junior Monexant, editè prensipal platfòm Akademizik!

4 commentaires sur “Lansman ofisyèl « akademizik.net »

Ajouter un commentaire

  1. Mwen felisite jèn vanyan gason ak fanm pou bèl inisyativ sa kote yo mete akademizik sa kanpe ak tout objectif yo konplè. Mwen swete projè a grandi pou byen kominote kilti ayisyèn l’an.

    J’aime

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Créez un site ou un blog sur WordPress.com

Retour en haut ↑

%d blogueurs aiment cette page :