21 jen : Dat selebrasyon Fèt Mizik

Fèt Mizik se yon gwo kokennchenn evènman kiltirèl plizyè peyi nan monn lan selebre nan dat 21 jen, ki se jou ki pi long nan ane a pou Emisfè nò a.

Fèt sa a te selebre pou premye fwa nan lane 1982, nan peyi Lafrans. Se te Jack Lang, minis Kilti peyi Lafrans (1981-1986/ 1988-1992) ki te lanse premye selebrasyon fèt sa a. Men moun ki te vini ak lide pou selebre fèt mizik la se Maurice Fleuret, li te direktè Mizik ak Dans nan Ministè Kilti peyi Lafrans.

Depi nan premye lansman evènman kiltirèl sa a, fèt mizik la te chita sou yon eslogan omofòn nan lang franse a (Fête de la musique/ Faites de la musique), ki eksprime yon lòd pou fè mizik, ki se yon fason pou bay anpil moun, jarèt pou jwe mizik pou selebre fèt sa a.

Aprè kèk lane, fèt mizik la kòmanse selebre nan plizyè lòt peyi nan monn lan. Li devni yon gwo kokennchenn evènman entènasyonal kote yo rive kontwole nan lane 2017, plis pase 120 peyi nan 5 kontinan te selebre l.

Evènman kiltirèl sa a toujou rasanble anpil moun nan plizyè espas piblik pou jwi divès pèfòmans chantè, mizisyen ak gwoup mizik. Se yon gran okazyon kote plizyè mizisyen pwofesyonèl ak amatè ap jwe mizik, kote divès estil mizik ap pèfòme tout kote : nan lari, sou plas piblik, nan lekòl, lopital, nan prizon, elatriye. Anpil moun toujou pran plezi patisipe nan gran evènman sa a.

Antretan, li enpòtan pou nou pa konfonn selebrasyon Fèt mizik sa a chak ane nan dat 21 Jen an ak Jounen Entènasyonal Mizik, ki selebre tou chak ane nan dat Premye Oktòb.

Bòn Fèt mizik ak tout mizisyen ayisyen !

Rémy Junior Monexant

Sous:

APNU. (2018). La Journée internationale de la musique, (Timbres commémoratifs). Konsilte sou: https://unstamps.org/fr/produit/journee-internationale-de-la-musique

Boccara, A. (2017). Petite histoire de la fête de la musique. France Musique. Konsilte sou: https://www.francemusique.fr/culture-musicale/petite-histoire-de-la-fete-de-la-musique

Dorrey, Chloé G. (2018). 21 juin : Faites de la musique, Fête de la Musique. Alterlatine. Konsilte sou: https://alterlatine.com/2018/06/16/21-juin-fete-de-musique/

Ministère de la culture. (2020). HISTORIQUE DE LA FÊTE DE LA MUSIQUE. Konsilte sou:
https://fetedelamusique.culture.gouv.fr/

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s

Créez un site ou un blog sur WordPress.com

Retour en haut ↑

%d blogueurs aiment cette page :